13.05.024 Скопје
Грчкиот премиер Кирјакос Мицотакис утрово силно го изрази грчкото неодобрување на ставот и постапките на македонската претседателка Гордана Сиљановска Давкова, која се заколна во името на „Македонија“, а не на „Република Северна Македонија“ како што е предвидено со Договорот од Преспа за време на својата инаугурација, пишуваат утрово грчките медиуми.
Во исто време, тој изјавува дека „Грција ги отфрла манипулациите како оние со кои г-ѓа Сиљановска го отвора својот мандат“ и „ја повикува да се врати на своите законски обврски и на однесувањата што произлегуваат од нејзината улога“.
„Категорично наведуваме дека нема да прифатиме слични лапсуси. И повторуваме дека секој напредок во билатералните односи, како и секој чекор на Скопје кон Европа, зависи од искреното почитување на договорите. Од правилната употреба на уставното име на соседната држава. И, секако, од избегнување предизвици“, заклучува Мицотакис.
Подготвено од М.Д.
About Author
