18.04.2024 Скопје
Претседателот на Украина, Володимир Зеленски, им се обрати на учесниците на Европскиот совет, кој започна вечерва во Брисел, и ги повика европските лидери итно да и обезбедат на Украина опрема за противвоздушна одбрана за да се запрат секојдневните напади на Русија.
„Украина утринава изврши уште еден терористички напад од страна на Русија. Тие го погодија градот Черниговски. Крстосувачки проектили на цивилни објекти. Оштетени се многу куќи и болници, хотелот е целосно уништен. Луѓето беа под урнатините. Вкупно, повредени се повеќе од 60 лица, меѓу кои и деца, а 17 лица загинаа“, рече Зеленски во видео-конференцијата во обраќањето до лидерите на ЕУ.
Тој додаде дека вакви настани се случуваат секој ден во Украина.
„Ова ги одразува нашите моментални клучни потреби – потребата од воздушна одбрана“, нагласи претседателот на Украина.
Вечерва во Брисел почна вонредниот дводневен самит на Европскиот совет на кој лидерите на ЕУ треба да разговараат за економските прашања, како и за односите со Турција, ситуацијата во Украина, но и на Блискиот Исток, по последната ескалација на конфликтот за време на викендот, кога Иран го нападна Израел со ракети и беспилотни летала.
Подготвено од А.Ѓ.
About Author
