26.04.2024 Скопје
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Столтенберг, на состанокот на непрофитната организација „Атлантик Мост“ во Берлин, рече дека членките на НАТО сега мора да го претворат она што и го ветија и обврзаа на Украина во итна испорака на оружје и муниција.
„Во последните месеци, членките на НАТО не ја дадоа поддршката што ја ветија“, рече Столтенберг.
Месечното одложување на помошта од САД доведе до влошување на ситуацијата на украинскиот фронт, при што градовите ширум земјата се изложени на руски беспилотни летала и ракетни напади поради недостаток на противвоздушна одбрана.
Американскиот Конгрес оваа недела усвои закон со кој се одобрува пакет помош за Украина, а европските земји, вклучително и Велика Британија, Германија, Данска и Холандија, исто така неодамна ветија дека ќе испратат воена помош за Украина.
Подготвено од А.Ѓ.
About Author
