12.04.2024 Скопје
Турција сака да ја замрзне војната во Украина повеќе од една деценија со нова мировна иницијатива.
Планот, кој беше претставен со поддршка на турскиот претседател Реџеп Таип Ердоган, веќе е доставен до Киев и Москва, наведуваат светските медиуми.
Замрзнат конфликт до 2040 година, ветувањето на САД и Русија, референдум за надворешна политика…
Најважните точки од документот се: САД и Русија ветуваат дека нема да користат нуклеарно оружје под никакви услови и ќе се вратат на Новиот СТАРТ договор за нуклеарно разоружување; конфликтот во Украина ќе биде замрзнат според сегашните линии на бојното поле; во 2040 година Украина со референдум ќе одлучува за правецот на својата надворешна политика, но дотогаш нема да влезе во НАТО.
Во исто време, референдуми ќе се одржат и под меѓународен надзор на териториите окупирани од Русија, се вели во планот. Завојуваните страни ќе разменуваат заробеници, а Русија нема да се противи на влезот на Украина во ЕУ, се наведува.
Во јуни е планирана голема мировна конференција во Швајцарија. Според весникот, турската иницијатива најверојатно нема да биде прифатена. На пример, планот значително отстапува од барањата на Киев, кој инсистира на целосно повлекување на руската армија од украинска територија.
Москва, која зазема околу една петтина од соседната земја, неодамна постави дополнителни територијални барања за Украина откако ја подобри сопствената ситуација на бојното поле.
Подготвено од А.Ѓ.
About Author
