22.04.2024 Скопје
Портпаролот на Tesla денеска изјави дека компанијата ќе ги намали цените на некои модели на автомобили во одредени земји во Европа, вклучително и Германија, како и на Блискиот Исток и Африка.
Во Германија цената на моделот 3 со погон на задните тркала падна од 42.990 евра на 40.990 евра.
Таа компанија, чиј основач и директор е милијардерот Илон Маск, претходно најави намалување на цените во Кина и САД.
Така, во САД цените на трите модели ќе бидат за 2.000 долари помалку, а Model Y ќе чини 42.990 долари, Model S 72.990 долари и Model X 77.990 долари.
На 15 април Маск објави дека 10 отсто од вработените во компанијата ќе бидат отпуштени.
Компанијата Тesla на почетокот на април објави дека испорачала 386.810 возила во првиот квартал од 2024 година, што е за 8,5 отсто помалку во споредба со истиот квартал минатата година.
На квартално ниво, испораките на возила на Tesla паднаа за 20 отсто во споредба со четвртиот квартал од 2023 година.
По тој повод, Tesla објави и дека во првиот квартал од 2024 година произвела 433.371 возила, што е за 1,7 отсто помалку од истиот квартал лани.
Подготвено од А.Ѓ.
About Author
