20.04.2024 Скопје
Различни генерации, различни интереси за одредени книжевни жанрови на годинашниот Саем на книга. Тоа што радува е големата посетеност на вториот ден од саемот, во чии рамки се и организираните посети на учениците од основните училишта кои доаѓаат од различни градови. За посетителите радува фактот што на едно место можат да ги најдат новите дела на своите омилени автори.
Од повеќето издавачки куќо кои дадоа изјава денеска на Саемот, можеме да забележиме исти и слични ставови, но кај некои сосема поинакви.
Во многу голем подем е македонската книжевност и ние сме многу среќни поради тоа, иако се уште има интерес и за странските автори. Новата концептуална поставеност на саемот за издавачите е особено важна, затоа што големите издавачки куќи сега се на посебно место, додека малите се во централна позиција на просторот. Тоа е можност малите издавачки куќи да се претстават и да имааат поголема видливост на овој саем.
Во рамките на годинашното 36- то издание на Саемот на книга, кој ќе трае до 24 април се предвидени повеќе од 30 промоции на домашните и странски автори.
Подготвено од М.Д.
About Author
