25.04.2024 Скопје
Украинската администрација одлучи дека пасошите за мажи на воена возраст може да се издаваат само во земјата, како дел од заострувањето на прописите за мобилизација.
Новата регулатива беше објавена еден ден откако украинскиот министер за надворешни работи Дмитро Кулеба ги суспендираше конзуларните услуги за сите работоспособни мажи до 18 мај и ги критикуваше сите во странство кои не се во војска.
„Пасошите за мажи на воена возраст нема да се испраќаат во странски дипломатски претставништва“, се вели во соопштението, во кое се истакнува дека оваа мерка не се однесува на украинските граѓани кои сега можат да ја преминат границата, вклучително и лицата со посебни потреби.
На почетокот на месецот Украина усвои нацрт-закон за реформа на прописите за мобилизација.
Подготвено од А.Ѓ.
About Author
