16.04.2024 Скопје
Во Европската Унија, во просек, речиси една третина на возраст од 25 до 74 години имаат завршено високо образование, вклучувајќи јавни и приватни универзитети, колеџи, институти за техничка обука и стручни училишта. Воедно, нивото на образование варира и во зависност од возраст и полот.
Нивоата на образование се дефинирани како ниски (помалку од средно образование), средни (средно образование) и високи (универзитетски студии).
Класификацијата на Европската агенција за податоци „Евростат“ се заснова на Меѓународната стандардна класификација на образованието (ISCED) и се однесува на:
● Ниско: предосновно, основно и ниско средно образование (ISCED нивоа 0–2);
● Средно: високо средно и постсредно нетерцијарно образование (ISCED нивоа 3 и 4);
● Високо: високо образование (ISCED нивоа 5–8). Вклучува јавни и приватни универзитети, колеџи, институти за техничка обука и стручни училишта.
Во 2022 година, 31,8 отсто од луѓето на возраст од 25 до 74 години во ЕУ имале повисоко образовно достигнување, кое се движи од 17,4 отсто во Романија до 49,8 отсто во Ирска.
Уделите на дипломирани студенти со високо образование беа повисоки од просекот на ЕУ во нордиските и балтичките земји. Шведска и Норвешка се рангирани на 3. и 4. место со над 45 отсто.
Во Латвија, 44 отсто имале високо образование. Исто така, другите нордиски и балтички земји имале повисок удел од просекот на ЕУ меѓу дипломираните студенти.
Во Велика Британија 43,5 отсто од населението на возраст од 25 до 74 години имале високо образование.
Уделот на населението со високо образование беше значително помал во земјите кандидати за ЕУ.
Турција имаше најголем удел во населението со ниско образование, каде што две третини (61,8 отсто) имаат помалку од високо средно образование.
Оваа бројка, исто така, беше под 40 отсто во четири земји на ЕУ: Португалија, Италија, Малта и Шпанија.
Во Република Северна Македонија, 30,3 отсто од луѓето на возраст од 25 до 74 години имаат ниско образование, 47,6 средно и 22,1 отсто високо образование поради што се наоѓа на 34. место од вкупно 37. места.
Во 2022 година 42 отсто од населението на ЕУ на возраст од 25 до 34 години имале високо образование. Тоа варира од 24,7 отсто во Романија до 62,3 отсто во Ирска.
Спротивно на населението на возраст од 25-до 74 години, нордиските земји Финска и Исланд имаа помал удел во високото образование од просекот на ЕУ.
Во 35 европски земји каде што се достапни податоци, жените на возраст од 25 до 34 години имале повисок процент на постигнување високо образование од мажите. Во 2022 година, во просек, процентот на жени со високо образование бил 47,6 отсто, додека кај мажите бил 36,5 отсто.
Подготвено од А.Ѓ.
About Author
