10.04.2024 Скопје
Агенцијата за аудио и аудиовизуелни медиумски услуги апелира до радиодифузерите да престанат да ги емитуваат спотовите на претседателските кандидати каде се појавуваат малолетници, а од учесниците во изборната кампања да ја усогласат содржината на платеното политичко рекламирање со законската регулатива.
Со мониторингот на изборното медиумско претставување за претседателските избори 2024 година, констатирано е дека, спротивно на член 76 став 3 од Изборниот законик, во платено политичко рекламирање на претседателските кандидати Стево Пендаровски и Бујар Османи учествуваат малолетници.
За содржината на платеното политичко рекламирање се одговорни нарачателите, но радиодифузерите се одговорни за законитоста на неговото емитување. Оттаму, радиодифузерите треба веднаш да престанат да ги емитуваат овие спотови, а учесниците во изборната кампања да ја усогласат содржината на нивното платено политичко рекламирање со законската регулатива, наведува Агенцијата во соопштението.
Подготвено од М.Д.
About Author
