09.04.2024 Скопје
Францускиот претседател Емануел Макрон синоќа за време на заедничкото обраќање со српскиот претседател Александар Вучиќ во Елисејската палата во Париз изјави дека за ЕУ е важно БиХ да остане единствена земја.
Тој изјави и дека неодамна усвоениот европски план за раст за Западен Балкан служи да им помогне на земјите од регионот да ги „надминат конфликтите од минатото“.
„Сакам да повторам колку е важно за нас, како и за вас, господине претседателе, Босна и Херцеговина да остане обединета земја. Европскиот план за раст за Западен Балкан ќе ги поддржи сите напори на земјите од регионот да се надминат конфликтите од минатото, да се усвојат реформи и да се зголеми конкурентноста во економијата“, рече Макрон.
Исто така, францускиот претседател додаде дека Франција ја цени посветеноста на Србија за единство во Босна и Херцеговина.
Од друга страна, Вучиќ рече дека Србија го одржува и секогаш го поддржува интегритетот на Босна и Херцеговина, како и интегритетот на Република Српска во рамките на Босна и Херцеговина, во согласност со Дејтонскиот договор и тоа ќе продолжи да го прави.
„Што се однесува до сите други работи, верувам дека има уште многу области каде што ќе ја продлабочиме нашата соработка. Имаме доверба во вас, господине претседателе. а за нас, за нашата земја, големи работи. И тоа го исполни целосно. Ти си човек од збор, ти верувам исклучително. Ние исто така исклучително ја почитуваме и сакаме Франција“, рече Вучиќ.
Подготвено од А.Ѓ.
About Author
