05.04.2024 Скопје
Денес со почеток од 12:00 часот во Домот на културата „Тошо Арсов“ во Виница свечено ќе биде отворена изложбата на карикатури на познатиот карикатурист Ане Василевски.
Ане Василевски (1947-2004) е македонски карикатурист, долгогодишен директор на Светската галерија на карикатури во Скопје а воедно и коментатор на списанието за хумор и сатира „Остен“ од Скопје.
Соработувал со скоро сите позначајни весници во поранешна Југославија како и со весници во Франција, САД, Турција, Романија, Холандија, Канада, Белгија и други.
Позначајни награди и признанија во Република Северна Македонија : „Ацо Шопов“, „Василие Поповиќ –Цицо “, „Остен“, „11 Октомври“, „Пјер -89“, „Ин Виница Веритас“… Признанија од странство : Белгија -1981, Куба -84, 88, 91, 93, Шкотска -84,85 и во Канада, Турција, Мексико, Италија, Јапонија, Кореа, Франција, Хрватска, Србија, Словенија и други.
За сите љубители на ликовната уметност, изложбата на карикатури ќе биде достапна во наредните 2 седмици.
Подготвено од М.Д.
About Author
