22.04.2024 Скопје
Во саботата беше направена последна проверка за стабилност за конечно мостот „Беласица“, кој беше опожарен пред една година, да може да се пушти за сообраќај и за товарни возила.
Проверката, како и првиот пат ја правеа од АД ЕСМ и Институтот за сеизмички отворени градби и климатски промени на професорот Михаил Гаревски, кој беше повикан од Град Скопје да ги направи испитувањата на конструкцијата на мостот по опожарувањето.
Од Град Скопје велат дека од резултатите ќе зависи дали мостот ќе биде пуштен целосно во употреба, односно сите четири ленти.
Досегашните мерења се оптимистички и во финалниот извештај кој ќе се испрати до градот Скопје кој треба да ја има конечната одлука најверојатно ќе стои дека мостот е целосно безбеден и нема никакви пречки да биде пуштен во функција.
По првичните анализи и санации, мостот после неколку месеци беше делумно пуштен во употреба со по една коловозна лента во двата правци, а со најновите мерења се очекува да биде наскоро и целосно во функција.
Подготвено од М.Д.
About Author
