05.04.2024 Скопје
Федералниот судија на Флорида, Ајлин Кенон, го отфрли аргументот на Доналд Трамп дека треба да се отфрли случајот во кој поранешниот претседател на САД незаконски чувал доверливи документи, бидејќи тој ги сметал за негови лични досиеја.
Трамп тврдеше дека чувал високо доверливи документи на имот на Флорида врз основа на американски закон кој им дозволува на поранешните претседатели да водат лични досиеја што не е поврзана со нивните официјални одговорности.
Кенон на сослушувањето на 14 март изрази скептицизам дека случајот треба да биде отфрлен врз основа на аргументите на Трамп, но рече дека тој можеби има „некоја моќ“ како дел од одбраната на судењето.
На 18 март, таа побара од Трамп и специјалниот советник Џек Смит, кој го гонеше случајот, да предложат инструкции на потенцијалната порота за тоа како да ги разгледа тврдењата на Трамп дека документите се лични.
Кога станува збор за овој случај, се уште не се разрешени тврдењата на Трамп дека има претседателски имунитет и дека е селективно мета на обвинителите.
Подготвено од А.Ѓ.
About Author
