13.03.2024 Скопје
На германската армија сè уште и недостига доволно опрема и персонал и покрај специјалниот фонд од 100 милијарди евра што беше формиран по почетокот на војната во Украина, изјави парламентарната комесарка за вооружени сили Ева Хегл.
Во нејзиниот годишен извештај за 2023 година, Хегл рече дека промената на политиката „Пресвртница“ е на вистинскиот пат, со вкупен обем од 47 милијарди евра проекти за набавки одобрени од Долниот дом на парламентот, Бундестагот.
На 27 февруари 2022 година, само неколку дена по почетокот на руската специјална воена операција на територијата на Украина, германскиот канцелар Олаф Шолц ја објави „Пресвртница“, нова ера на посилна надворешна политика поддржана со повисоки трошоци за војската.
Како дел од „Пресвртница“, Германија формираше фонд за набавка на модерно оружје и вети дека ќе ја достигне целта на НАТО за трошење најмалку два отсто од националниот БДП за одбрана од 2024 година.
„И покрај извонредните напори, останува да се каже дека значителните подобрувања во работната сила, опремата и инфраструктурата се уште се далеку во втората година од „Пресвртница““, истакна Хегл.
Таа рече дека германската армија се соочува со „огромен кадровски проблем“ и има за цел да го зголеми бројот на војници на 203.000 до 2031 година од сегашните 181.000, што е тешко да се постигне.
„Во однос на опремата, Бундесверот сè уште не е целосно оперативен“, додаде Хегл, наведувајќи го недостатокот на муниција, помали предмети како што се очила за ноќно гледање и голема опрема како тенкови и системи за противвоздушна одбрана.
Подготвено од А.Ѓ.
About Author
