18.03.2024 Скопје
Карневалот „Прочка 2024“ и годинава, по 22-ри пат, си ја исполни својата мисија. Во еуфорична, типично карневалска атмосфера, во Прилеп вриеше како во кошница.
Доследно на многувековната традиција и во христијански дух, прошка се бара, ама и се дава на сите страни. А многубројните маскирани учесници, „преправени“ во автентични и креативни маски, најчесто изработени од природни материјали, ги бркаа злите духови, кои, според верувањата, се беше одомаќиниле меѓу нас, од лани до годинава.
Традиционално, организаторите и гадоначалникот, пред да го означат стартот на карневалското дефиле, најпрвин побараа, но и дадоа простување на сите граѓани на Република Северна Македонија, особено во оваа изборна година.
Карневалот завршува со доделувањето на наградите за најуспешните, а додека денес, Здружението „Прилепски мечакри“ организира ручек со познатото посно „Касапско гравче“, со што и официјално се означува почетокот на Велигденските пости.
Подготвено од М.Д.
About Author
