16.03.2024 Скопје
Канадскиот премиер Џастин Трудо рече дека секој ден размислува да ја напушти својата „луда работа“, но инсистира да остане на функцијата до следните избори и „не може да се откаже од борбата во овој момент“.
„Не би можел да бидам таков каков што сум и да ја напуштам борбата во овој момент. Секој ден размислувам да дадам отказ. Ова е луда работа, има лични жртви и секако е тешко, а понекогаш и многу досадно”, изјавил премиерот Трудо.
Тој посочи дека не се занимава со политика за да биде популарен, ниту од лични причини, „туку затоа што сака да служи“.
Следните избори во Канада мора да се одржат до октомври 2025 година, а неодамнешните анкети покажуваат дека конзервативната десница има предност пред либералите како Трудо.
Анкетарите тврдат дека гласачите се уморни од премиерот, кој првпат ја презеде функцијата во ноември 2015 година.
Конзервативците велат дека ќе го укинат данокот на јаглерод воведен од либералите, ќе го решат буџетскиот дефицит на владата, станбената криза и ќе го сузбијат криминалот.
Данокот на јаглерод повторно ќе се зголеми на 1 април, а Трудо повтори дека владата нема да ги послуша повиците од некои канадски провинциски претставници да го запре планираното зголемување.
Подготвено од А.Ѓ.
About Author
