04.03.2024 Скопје
Републиканскиот претседателски кандидат Ники Хејли победи на партиските прелиминарни избори во Вашингтон, забележувајќи ја првата победа во претседателската кампања оваа година.
Поранешниот американски претседател и фаворит за републиканска претседателска номинација, Доналд Трамп, во неделата го доживеа првиот пораз на партиските прелиминарни избори, бидејќи Хејли победи во Вашингтон.
Хејли ги освои гласовите на сите 19 делегати во Вашингтон.
Таа рече дека ќе остане во трката за републиканска номинација барем преку прелиминарните избори во вторник во 16 американски држави.
Портпаролката на Хејли, Оливија Перез-Кубас изјави дека Хејли станала првата жена што победила на републиканските прелиминарни избори.
Вашингтон е упориште на демократите, со само околу 23.000 регистрирани републиканци во градот, забележува американската агенција, потсетувајќи дека актуелниот демократски американски претседател Џо Бајден победи во округот Колумбија на претседателските избори во 2020 година со 92 отсто од гласовите.
Досега во тековната кампања Трамп има поддршка од 244 делегати, додека Хејли има поддршка од 43 делегати.
На кандидатот му е потребна поддршка од 1.215 делегати за да ја добие републиканската номинација.
Подготвено од А.Ѓ.
About Author
