26.03.2024 Скопје
Четворицата обвинети за терористичкиот напад во концертната сала „Крокус“ во Подмосковље ги застапуваат адвокати ангажирани од државата и никој од адвокатите на одбраната не се пријавил доброволно.
Четворицата обвинети се Далерјон Мирзојев, Саџидакрам Рацабалисод, Шамсидин Фаридуни и Мухамедсобир Фаизов.
Тие се осомничени дека извршиле смртоносен терористички напад вечерта на 22 март во концертната сала „Крокус сити хол“ во Красногорск, предградие на Москва.
Според евиденцијата на рускиот истражен комитет, бројот на загинати е 137, но се наведува дека може да биде и поголем.
Министерството за здравство на Московската област соопшти дека се повредени 182 лица.
Уапсени се вкупно 11 лица осомничени дека се вмешани во овој терористички напад, меѓу кои и четворица вооружени напаѓачи кои биле приведени во областа Брјанск, југозападно од Москва, додека се обидувале да побегнат преку граница и да стигнат до Украина.
Подготвено од А.Ѓ.
About Author
