08.03.2024 Скопје
Нигер, Мали и Буркина Фасо го започнаа процесот на формирање заеднички сили за борба против џихадистичките закани во нивните земји.
Началникот на армијата на Нигер, Муса Салау Барму, најави дека заедничката армија ќе биде оперативна што е можно поскоро, без да даде детали за нејзината големина.
Групите поврзани со Исламската држава и Ал Каеда убиле илјадници луѓе во регионот во изминатата година, додавајќи дека воените режими на трите земји неодамна станале поблиски од кога било.
Воените претставници од Нигер, Буркина Фасо и Мали минатиот септември потпишаа договор за заемна одбрана, познат како „Алијанса на државите Сахел“ (АЕС), повлекувајќи се од меѓународните сили Г5, кои беа формирани за борба против исламистите во регионот.
Насилството во регионот Сахел во Западна Африка се влоши во последниве години и покрај ветувањата на воените влади да се справат со деценискиот конфликт со џихадистичките групи.
Сите три земји ги прекинаа врските со Франција, поранешната колонијална сила, која со години имаше силно воено присуство преку Сахел, и на мировната мисија на ОН во Мали, Минусма, која постои повеќе од една деценија, доби наредба да се повлече „без одложување“.
Во исто време, воените режими на овие три африкански земји ги зајакнаа врските со Русија, која ја искористи можноста да ја „пополни таа празнина“.
Подготвено од А.Ѓ.
About Author
