13.03.2024 Скопје
Владата денесја ја разгледа и усвои информацијата од Министерството за одбрана за потребата од договор за набавка на повеќенаменски транспортни хеликоптери со Министерството за одбрана на Италија.
Министерката за одбрана, Славјанка Петровска е овластена во име на Владата на Македонија да го потпише аранжманот помеѓу Министерството за одбрана на Македонија со Министерството за одбрана на Италија, за соработка во полето на воената хеликоптерска авијација.
„Согласно потребата за реформа на одбранбениот сектор и негова интеграција во НАТО, утврдена во Стратегискиот одбранбен преглед, како што е соопштено од Министерството за одбрана, се постапува по долгорочен план за модернизација и опремување на Армијата на Република Северна Македонија, за постигнување целосна интероперабилност со армиите на земјите партнери во НАТО“, соопшти Владата.
Владата, на предлог на Министерството за одбрана, донесе одлука за испраќање припадници на АРМ за учество во НАТО мисијата „Зајакнато истурено присуство“, во Република Летонија.
Подготвено од М.Д.
About Author
