21.03.2024 Скопје
ТАВ аеродроми, преку ТАВ оперативни услуги и поддржани од страна на Виза, со задоволство објавува дека од 18 март лансирана е нова услуга, лента за брзо поминување за патниците на Меѓународниот аеродром Скопје кои се сопственици на Виза премиум картички.
Со воведувањето на ваква нова услуга за брзо поминување, која е создадена да го подобри патничкото искуство на патниците, почнувајќи од 18 март, патниците кои користат Виза премиум картички, можат да ја искористат оваа услуга за да го забрзаат своето патување низ аеродромот и да ги прескокнат редиците на контролните пунктови за пасошка и безбедносна проверка.
„Воведувањето на услугата за брзо поминување на Меѓународниот аеродром Скопје е уште една предност за патниците, бидејќи како аеродромски оператор – ТАВ аеродроми, веруваме дека времето е најскапоцената валута за нашите патници. Со воведувањето на нашата услуга, лента за брзо поминување, заштедуваме минути и време и создаваме дополнителна удобност за нашите патници”, изјави Неџат Курт, генерален директор на ТАВ Македонија.
Подготвено од М.Д.
About Author
