21.03.2024 Скопје
Многумина за „сезоната“ често доаѓаат од различни делови на Хрватска, а во последно време и од целиот свет.
Затоа, не е чудно што сигурната заработка (44%) и сместувањето (40%) се од пресудно значење при изборот на сезонска работа.
Интересно е што платата е само на трето место, додека слободните денови и работното време се нешто помалку важни за луѓето во ваков вид на вработување.
Според истражувањето, најголемите предности на сезонската работа се стекнувањето нови знаења и вештини (68% од испитаниците), запознавање нови луѓе (61%) и платата, која обично е значително повисока отколку во случајот преку целата година (54%). Тука се и престојот на море (45%) и интересната и атрактивна работа (44%), а само шест проценти од луѓето сметаат дека сезонската работа нема предности.
Од друга страна, најголемите недостатоци на работата во сезоната ги наоѓаме во речиси ограниченото времетраење, долгите работни денови, несоодветното сместување, прениската плата и одвоеноста од семејството.
Кога станува збор за просечната плата, очекуваната месечна нето-плата за сезонско работно место е 1.307 евра нето, што е за шест отсто повеќе во однос на лани.
Месечниот приход, секако, зависи и од видот на работата
- келнерите очекуваат просечна месечна плата од 1.408 евра;
- готвачите би сакале минимум 1.482 евра за својата работа;
- собарите очекуваат минимум 1.145 евра месечно во просек;
- рецепционерите сметаат дека за својата работа треба да добијат минимум 1.259 евра;
- продавачите очекуваат просечна плата од 1.105 евра;
- магационерите очекуваат 1.050 евра во сезоната;
- помошен работник во кујна очекува 1.322 евра.
Подготвено од А.Ѓ.
About Author
