04.03.2024 Скопје
Според анализата на Bank of America, САД го имаат вториот најскап систем за згрижување деца меѓу развиените земји. Просечна американска двојка со две деца троши повеќе од 30 отсто од својот приход на грижа за децата.
Ова беше едно од клучните наоди на новиот извештај на Банката на Америка објавен на 22 февруари, кој анализираше како високите трошоци за детска грижа може да го забават растот на жените во американската работна сила.
Користејќи ги податоците од ОЕЦД, меѓународна економска коалиција од 38 земји, Банката на Америка ги процени просечните трошоци за згрижување деца за пар со две деца и ги спореди со просечната вкупна плата за пар од ист профил. Во анализата беа вклучени 30 земји од ОЕЦД (Организација за економска соработка и развој).
Оваа анализа покажа дека просечниот американски пар со две деца троши повеќе од 30 отсто од нивната заедничка плата за грижа за децата.
Од 30 земји кои беа анализирани, само Нов Зеланд имаше поскап систем, додека Германија и Австрија најдостапен систем. Просечниот трошок за згрижување деца во сите 30 земји беше помал од 15 отсто од платата на парот.
„Со оглед на тоа што одговорноста за грижата за децата традиционално несразмерно паѓа на мајката, зголемените трошоци за згрижување на децата предизвикуваат загриженост за напредокот во стапките на учество на женската работна сила“, пишуваат авторите на извештајот.
Тие исто така додадоа: „Како што трошоците се зголемија во изминатите неколку децении, процентот на жени во работната сила стагнира“.
Бројот на вработени жени во САД е на речиси рекордно ниво. Според Банката на Америка, заклучно со јануари оваа година, околу 78 отсто од жените на возраст меѓу 25 и 54 години работат или бараат работа. Сепак, во споредба со другите земји анализирани од ОЕЦД, Американките имаат помала веројатност да бидат во работната сила. Една од причините за тоа се трошоците за грижа за децата.
Кога се земаат предвид трошоците како што се кирија, храна, облека, превоз, детска грижа и премии за здравствено осигурување, Business Insider во јануари процени дека грижата за мало дете во 2024 година ќе чини околу 25.714 долари.
Трудоинтензивната природа на индустријата за згрижување деца, како и бројот на возрасни лица потребни за грижа за децата, е клучен фактор што ги зголемува трошоците. Но, тоа не е единствено само за САД.
Меѓу главните причини зошто грижата за децата е поскапа во Америка отколку во остатокот од развиениот свет е тоа што другите земји посветуваат поголем дел од нивните државни трошоци за грижа за децата.
САД трошат околу 0,4 отсто од својот БДП за образование и грижа за раното детство, во споредба со 0,8 отсто за просечната земја на ОЕЦД. Ниту една земја не троши повеќе од Исланд, околу 1,7 отсто од БДП на земјата.
Анализата на податоците на ОЕЦД покажа дека САД трошат приближно 500 долари годишно по дете за грижа за раното детство. Ова е многу мала бројка ако се спореди со повеќе од 14 илјади долари што просечната земја на ОЕЦД ги троши.
Покрај зголемувањето на бројот на вработени жени, подобрата и поевтина грижа за децата, исто така, потенцијално би ги мотивирала американските парови да имаат повеќе деца.
Една неодамнешна студија на Агенцијата во Пекинг покажа дека една од главните причини за падот на наталитетот во Кина е високата цена на грижата за децата. Кина е една од земјите со најголеми трошоци поврзани со грижата за децата.
Подготвено од А.Ѓ.
About Author
