01.03.2024 Скопје
Министерството за надворешни работи (МНР) најостро го осуди нападот во Газа, во кој загинаа голем број луѓе додека чекаа околу камионите за хуманитарна храна.
„Ваквиот чин претставува сериозно кршење на меѓународното право. Повикуваме за заштита на цивилите и непречена испорака на хуманитарната помош. Почитување на меѓународното и хуманитарно право е приоритет, а цивилите мора да бидат целосно заштитени по секоја цена“, стои во соопштението од МНР.
Како што објавија светските медиуми, израелската војска пукала врз толпа цивили собрани за да добијат хуманитарна помош. Како што соопшти Министерството за здравство на Газа, најмалку 112 луѓе биле убиени во нападот.
Ситуацијата во Газа за цивилите е катастрофална, таму е проблем и храната и здравата вода за пиење, а наогромен број жители им се урнати живеалиштата и тие живеат или под ведро небо или во некој од сместувачките капацитети каде ситуациата е исто така ужасна.
Подготвено од М.Д.
About Author
