15.03.2024 Скопје
Многумина можеби мислат дека е себично да се ставите себеси на прво место, но чинот на грижа за себе е всушност важен дел од нашата севкупна благосостојба. Овој трендовски термин во последниве години е всушност збир на методи кои имаат за цел да ги спречат или контролираат болестите и да ја зачуваат општата благосостојба со доследна грижа за различни аспекти на сопственото здравје. Постојат многу начини да се практикува грижата за себе, а овие четири се само неколку.
Грижа за вашите чувства
Тоа е најважниот од четирите видови на грижа за себе. Ако не се грижите за вашето ментално здравје, тешко ќе се грижите за се останато. Грижата за вашите чувства вклучува учење како да се справите со стресот, анксиозноста и депресијата. Вклучува и учење како да управувате со гневот и тагата.
Физичка грижа за себе
Грижата за себе е најочигледниот тип, најлесен за почеток, но и најтешко да се задржи како навика. Вклучува грижа за телото со добра исхрана, правилен сон и редовно вежбање. Во денешното темпо на живот, често се случува физичката грижа да падне во втор план поради сите други секојдневни обврски, но ако сакаме нашиот живот и односите со другите околу нас да напредуваат, мораме да одвоиме време за физичка грижа за себе во нашето секојдневие.
Социјална грижа за себе
Тоа значи да бидете љубезни кон себе, да одвоите време да се опуштите, да одвоите време за луѓето околу вас, било да се тоа пријателите и семејството или само случајни минувачи на кои им треба насмевка. Социјалната грижа вклучува дружење со пријателите или членовите на семејството, но и прошетки со домашно милениче или спонтани соседски средби во паркот.
Духовна грижа за себе
Оваа грижа е практика да се биде присутен со себе и со својот живот. Најдете време за себе, да размислите што ви е најважно, молете се или медитирате, поминувајте време во природа како планинарење, читајте книги кои ве инспирираат.
Подготвено од А.Ѓ.
About Author
