15.03.2024 Скопје
Годишната стапка на инфлација во Црна Гора падна во февруари од 4,4 отсто во јануари на 4,3 отсто, објави денеска на својата веб-страница црногорскиот завод за статистика Монстат.
Цените на облеката и обувките пораснале за 12,6 отсто на годишно ниво, станбените и комуналните услуги пораснале за 6,7 отсто, алкохолните пијалоци и тутунот за 3,8 отсто, но темпото на раст во сите наведени случаи е побавно во однос на јануари.
Наспроти тоа, цените на транспортот се зголемија за 3,2 отсто на годишно ниво, а ресторанските и хотелските услуги за 14,1 отсто, со побрзо темпо од јануари.
На месечно ниво цените во Црна Гора се зголемени за 0,4 отсто.
Најголем месечен раст е забележан во транспортот од 2,4 отсто, како и во категоријата мебел, покуќнина и рутинско одржување на станови од 1,1 отсто, а цените на храната и пијалаците се зголемени за 0,6 отсто.
Подготвено од А.Ѓ.
About Author
