06.03.2024 Скопје
Германскиот гигант во фармацевтската и хемиската индустрија Баер на својата веб-страница објави дека забележал загуба од 2,9 милијарди евра во 2023 година.
Баер, производителот на познатиот лек Аспирин, ја заврши 2022 година со добивка од 4,15 милијарди евра.
Во 2023 година, годишниот приход на компанијата падна за шест отсто на годишно ниво на 47,6 милијарди евра, делумно поради значително пониските цени на хербицидите базирани на глифосат.
Продажбата на лекови на рецепт во фармацевтскиот оддел на Баер е непроменета во однос на минатата година, додека раст е забележан во секторот за здравје на потрошувачите, делумно поради поголемата побарувачка за дерматолошки производи.
Извршниот директор на Баер, Бил Андерсон, досега ја отфрли можноста за поделба на компанијата и изјави дека компанијата се соочува со важни предизвици кои мора итно да ги реши.
Според него, Баер треба да ја зајакне својата фармацевтска поделба и да лансира нови производи за да го надомести истекувањето на патентите за неколку успешни лекови во наредните години.
Подготвено од А.Ѓ.
About Author
