19.03.2024 Скопје
Европската унија се подготвува да воведе царини за увоз на жито од Русија и Белорусија за да ги смири земјоделците и некои земји-членки.
Се очекува Европската комисија да воведе царина од 95 евра по тон за жита од Русија и Белорусија во наредните денови. Царини од 50 отсто ќе бидат воведени и за маслодајните семиња и производите од маслодајни семиња.
Одлуката се очекува бидејќи земјоделците ширум Европската унија бараат промени во ограничувањата што им беа ставени во рамките на Зелениот план за справување со климатските промени и повторно воведување тарифи за увоз на земјоделски производи од Украина, кои беа укинати по воената интервенција на Русија во 2022 година.
Како и голем дел од Европа, Полска, исто така, беше зафатена од протести во последните недели.
Полскиот премиер Доналд Туск исто така се заложи за забрана за увоз на руски и белоруски земјоделски производи во Европската унија.
Подготвено од А.Ѓ.
About Author
