22.03.2024 Скопје
Уште еден ден на самохраниот дедо Слободан Маџовски и неговата внука, во пресрет на пролетта го засадиле и првото дрво во дворот. Надвор не пречекаа со топка во раце и желба за детска игра.
Другата страна на приказната е во крикот на Маџовски за помош од институциите. По скоро една недела од објавата на приказната, денеска во посета на Маџовски дојде и заменик министерката за труд и социјална политика, Јована Тренчевска и тимот од Центарот за социјалнји работи.
Тренчевска одблиску се запозна со малата Ана но и со состојбата на самохраниот дедо Маџовски. Тимот од Центарот за социјални работи на маџовски му ги објасни процедурите за како да стане дел од системот на социјална заштита а со тоа и да ги ужива сите услуги кои му следуваат.
Тренчевска рече дека веќе ги преземале сите потребни чекори за Маџовски и малата Ана бидат спокојни, додека Маџовски се заблагодари на сите кои се одважиле да помогнат.
Малата Ана ги раскажа своите желби, останува сите досегашни ветувања да бидат исполнети а со тоа и Маџовски да биде спокоен а малата Ана да им се придружи на своите врсници во градинка каде ќе го гради својот детски развој.
Подготвено од М.Д.
About Author
