25.03.2024 Скопје
Реконструкцијата на Универзална сала остана само лажно ветување, повторено безброј пати. Но, оваа неколку пати кажана лага, никако да стане вистина, како во народната поговорка.
Сликата од разрушениот објект кој создава болка, но и револт кај скопјани, само го буди спомените за локацијата каде некогаш се случуваа најубавите фестивали и концерти.
Меѓу помпезните најави дека се реконструира и до исполнување на ветеното, се сменија само ликовите кои не ја говорат вистината, а на лице место, на терен, не се промени апсолутно ништо.
Екс-градоначалникот на Град Скопје, Петре Шилегов, иако свесен дека ниту еден потпорен ѕид не е изграден, си играше со датуми и прогнози, па во 2021-ва година вети дека реконструкцијата на Универзална сала ќе заврши во 2022-ра година.
Во првата фаза е предвидено да биде реконструирана надворешноста на салата, а во втората фаза треба да се реновира нејзината внатрешност. Минатиот месец беше најавено, по коујзнае кој пат, дека Универзална сала се реконструира и дека нов лик ќе добие во 2026-та година.
Подготвено од М.Д.
About Author
