19.03.2024 Скопје
Романскиот министер за енергетика Себастијан Бурдуја изјави дека нуклеарната енергија, а особено малите модуларни реактори, би можеле да бидат решение за безбедна и чиста енергија по фер цена.
Тој посочи дека нуклеарната енергија значи енергија со нула емисии, ставајќи ја безбедноста на прво место.
„Не можеме да се откажеме од јаглен, гас или нуклеарна енергија и да очекуваме кога ќе го притиснеме прекинувачот да се вклучи сијалицата“, нагласи министерот.
Бурдуја додаде дека нуклеарната енергија и особено „малите модуларни реактори ветуваат дека ќе ја решат енергетската трилема“.
„Ова значи безбедна и чиста енергија, по фер цена“, рече тој на настанот „Енергија за следната генерација“ организиран од Министерството за енергетика во партнерство со Националната компанија за нуклеарна енергија и нуклеарна Ропауер во Доичести.
Министерот ја спомена и технологијата NuScale, која ќе се користи во проектот „Доичести“, прецизирајќи дека станува збор за безбедна технологија, „единствена сертифицирана од најстрогиот регулатор во светот – Нуклеарната регулаторна комисија (НРЦ) на САД“.
Подготвено од А.Ѓ.
About Author
