20.02.2024 Скопје
Украинскиот претседател Володимир Зеленски изјави дека ситуацијата на фронтот е исклучително тешка и дека Русија го користи доцнењето во обезбедувањето помош за Украина.
Во видео обраќањето по обиколката на линијата на фронтот во североисточниот дел на земјата, Зеленски истакна дека сега ситуацијата е исклучително тешка во неколку делови од линијата на фронтот, токму таму каде што руските војници ги концентрираа максималните резерви.
„Русија го користи доцнењето на помошта за Украина и тоа е многу чувствителна работа“, истакна украинскиот претседател Володимир Зеленски.
Зеленски, воедно, укажа и на „недостигот на артилерија, потребата од воздушна одбрана на фронтот и оружје со поголем дострел“.
Подготвено од А.Ѓ.
About Author
