19.02.2024 Скопје
Во регионот Ксинџијанг на крајниот запад на Кина е забележана температура од минус 52,3 степени Целзиусови, со што е соборен рекордот стар 64 години, објавија кинеските медиуми.
Рекордот беше соборен вчера во градот Туерхонг, а претходно најниската температура во Ксинџијанг од минус 51,5 степени беше измерена на 21 јануари 1960 година.
Поради снежната бура и замрзнатиот дожд што го зафати тој дел од Кина, дојде до застој во патниот и железничкиот сообраќај, јавуваат кинеските медиуми.
Метеоролозите предупредија на голомразица на патиштата, а до четврток се очекуваат врнежи низ Кина.
Најмногу врнежи се очекуваат во Монголија, североисточна Кина, централната провинција Хубеи и провинцијата Хунан на југ.
Подготвено од А.Ѓ.
About Author
