05.02.2024 Скопје
Именувањето на државен обвинител и изборот на уставен судија се меѓу 33-те точки на дневен ред на првата седница на Собранието по изборот на техничката влада закажана за среда (7 ми февруари). Предлогот Љупчо Коцевски да го наследи Љубомир Јовески е 8ма точка. За да биде избран потребни се 61 глас за.
Коцевски ја бара поддршката од пратениците со програма во која меѓу приоритетите и планираните активности навел решителна борба против криминалот финансиска самостојност, конфискацијата на имот, зајакнување на капацитетите за финансиски истраги, дигитализацијата и транспарентност, наведувајќи дека ќе се залага, јавните обвинители да комуницираат со јавноста за предметите на кои работат.
„Секогаш и секаде во заштита на самостојноста и независноста на Јавното обвинителство, гарантирајќи ја непристрасноста и независноста на јавните обвинители во одлучувањето, стимулирајќи ја професионалноста, етичноста и одговорноста на јавните овинители и јавнообвинителските службеници, ќе се заложам за бескомпромисна борба против корупцијата и криминалот, која ќе биде длабоко втемелена на сите овие начела“, напишал Коцевски во програмата
Меѓу приоритетите стои и зголемувањето и ефикасноста и ефективноста на обвинителства. Преку ефикасни истражни центри, да се скратат предистражните постапки и за брзо време да се излезе на суд со прибраните докази.
Коцевски од 1995 е адвокат, а во 2008 е избран во вишото обвинителство во Гостивар. Пред две години е унапреден во републичкото обвинителство.
Тој беше еден од тројцата пријавени кандидати за шеф на обвинителството и единствен кој го помина филтерот на Советот на јавните обвинители. Обвнителката Лидија Раичевиќ доби негативно мисење од Советот, а Фатиме Фетаи отпадна пореди некомплетна документација.
Дали ќе се избере државен обвинител пред изборите и дали тоа ќе се прави со консензус се само дел од прашањата што се наметнуваат во пресрет на собраниската расправа. Доколку не добие поддршка Коцевски летово се пензионира. Во меѓувреме на чело на обвинителството како вршител на должност е обивнителката Соња Симовска.
По точката за обвинителот е изборот на професорката Ана Павловска Данева за уставен судија. За разлика од именувње обвинител кое оди диркетно на седница како предлог на Владата, расправата за уставен судија веќе помина во комисијата за избори и именувања со 7 глсаса за и 3 против на опозициската ВМРО – ДПМНЕ. Професорката го пополнува последното празно место во Уставен а беше предложена откако пред две неделеи СДСМ го повлече предлогот за Љубомир Јовески предложен пред речиси две години.
Подготвено од М.Д.
About Author
