19.02.2024 Скопје
Шпанските медиуми ги објавија деталите од договорот на Килијан Мбапе со Реал Мадрид.
Договорот на напаѓачот на Париз Сен Жермен со актуелниот клуб истекува на лето и тој ќе може слободно да се пресели во друг клуб без обештетување. Сите водечки светски медиуми објавија дека францускиот репрезентативец веќе потпишал договор со кралскиот клуб, кој ќе важи од моментот кога ќе му истече актуелниот договор со „светците“. Сега се знае каков нов договор потпиша.
Мбапе се обврза на Реал Мадрид за петгодишна соработка. Тој ќе заработува меѓу 15 и 20 милиони евра нето по сезона.
Плус ќе има повеќе бонуси во договорот преку кои ќе заработува, а има и бонус за самиот потпис на договорот кој ќе изнесува 130 милиони евра.
Во Париз му понудија многу повеќе пари за да остане во клубот и да потпише нов договор, 80 милиони евра за верност, 60 милиони за продолжување на договорот и 50 милиони плата по сезона, но и тоа не беше доволно за да го убеди да остане.
Тој едноставно секогаш сакаше да игра во Реал Мадрид и беше само прашање на време кога неговите повеќегодишни преговори со раководството на кралскиот клуб ќе завршат со потпишување договор.
Деталите од клаузулата од договорот поврзани со ликот и делото на играчот би можеле да бидат многу повисоки од оние во ПСЖ.
Подготвено од А.Ѓ.
About Author
