06.02.2024 Скопје
Во јуни минатата година, градоначалникот на Њујорк пушти во употреба патролен робот со камери, кој имаше задача да го надгледува јавниот ред во метро станицата Тајмс Сквер.
На почетокот на минатата есен, на 23 септември, градоначалникот на Њујорк, Ерик Адамс, свечено го стави во функција првиот полициски патролен робот. Во тоа време тоа беше пилот проект, кој требаше да трае половина година.
Роботот, висок 1,60 метри и тежок 180 килограми, имал задача да се вози на платформата (само еднаш, бидејќи не можел да се качи по скалите) на метрото во строгиот центар на градот, на познатиот Тајмс Сквер.
Таму примарна задача му била да снима настани со вградени камери и на тој начин да и обезбеди на полицијата „очи и уши“ на лице место, во случај на некакви несакани настани.
Роботот со име K5 е произведен од калифорниската компанија Knightscope, а освен во полиција, слични роботи веќе се користат во болници, аеродроми, трговски центри, магацини и слични локации. Њујоршката полиција (NIPD) не го купи роботот, туку го изнајми, што ги чинеше околу девет долари на час.
К5 веднаш стана мета на критики, па дури и на потсмев. Некои го нарекоа „ѓубре на тркала“, други скршена копија на Robocap, други го споредија со робот R2-D2 – во најголем дел, идејата беше слабо примена од јавноста, а критичарите беа очигледно во право. Бескорисниот робот е фотографиран сега, приближно четири месеци по преземањето на функцијата, во моментално неискористен канцелариски простор на метро станицата Тајмс Сквер, како стои напуштен и деактивиран.
Сведоците велат дека изминативе месеци не го ни виделе „на дело“. Главно, велат, како голема Roomba, стоел на својот полнач во аголот на станицата и им служел на минувачите да направат селфи со него. Портпаролот на градоначалникот не признава дека се работи за неуспешен експеримент. Тој вели дека нивниот робот-полицаец работел во ноќни смени и дека овој крај на мисијата бил планиран. Во моментов, велат во кабинетот на градоначалникот, се размислува каде на друго место би можеле да го користат.
Подготвено од А.Ѓ.
About Author
