28.02.2024 Скопје
Студентите од универзитетот „Св. Климент Охридски“ од вчера и официјално може да влезат во светот на вируелната реалност, да осознаваат и да ја создаваат. На Факултетот за информатички и комуникациски технологии во Битола беше промовирана првата купола за виртуелна реалност, комплетна опрема за произведување на софтверска реалност. Истовремено, Сенатот основа Центар за виртуелно инженерство.
Опрема во вредност од 100 илјади евра од повеќе компоненти беше промовирана на Факултетот за информатички и комуникациски технологии. Компјутери, дронови, сензори, софтвер. Секој свет достапен за исклучително ментално искуство без посебни наочари за виртуелан реалност.
„Најатрактивна и уникатна е оваа купола за виртуелна реалност која е зад нас, која е единствена на универзитетите не само во Македонија, туку и пошироко на Балканот и со која очекуваме дека студентите, но и сите други ќе може да добијат поквалитетна обука, настава поблиска до реалноста преку користење на технологија во виртуелната реалност“, рече Игор Неделковски, ректор на Универзитетот Св. Климент Охридски во Битола.
Подготвено од М.Д.
About Author
