06.02.2024 Скопје
Кралот Чарлс, кому му беше дијагностициран рак, е многу позитивен за понатамошното лекување.
Семејството и пријателите велат дека се воодушевени од неговата решеност да продолжи со своите должности, како што тоа обично го прави. Во овој момент се чини дека ракот е фатен во рана фаза и прогнозата е добра.
Во последните месеци, Чарлс често одел во замокот Виндзор во недела навечер за да помине време со принцот Вилијам, пишуваат локалните медиуми, додавајќи дека таткото и синот стануваат се поблиски.
Бакингемската палата вчера објави дека лекарите откриле неодреден облик на рак за време на лекувањето на бенигната состојба на простатата.
Чарлс телефонски ги информирал блиските членови на семејството, вклучително и неговиот отуѓен син Хари, кој ќе дојде од Калифорнија да се види со својот татко.
Не е познато каде ќе престојува војводата од Сасекс кога ќе ја посети Велика Британија.
На Хари му треба претходна дозвола од Бакингемската палата за да остане на кралскиот имот. Британските медиуми потсетуваат дека летово морал да ги врати клучевите од колибата Фрогмор кога Хари и неговата сопруга Меган Маркл го напуштиле имотот. Неговото барање да остане во замокот Виндзор беше одбиено од палатата кога последен пат го посети Обединетото Кралство во септември, а Хари на крајот остана во хотел.
Ова ќе биде прв пат тие да поминат значително време заедно во повеќе од 18 месеци. Кралските набљудувачи сега се прашуваат дали тоа би можело да навести „затоплување“ во односите.
Кралот Чарлс пристигна во Лондон од својот имот во Сандрингам во раните утрински часови. Со него е и неговата сопруга Камила, а се очекува кралот да започне со лекување.
Камила решила да биде покрај својот сопруг, иако тој инсистирал да продолжи со работните обврски. Останатите членови на кралското семејство сега ќе мора да преземат некои должности, меѓу кои и принцот од Велс, кој наскоро ќе се врати на јавниот живот, иако неговата сопруга Кејт исто така има сериозни здравствени проблеми.
И покрај тоа што ги откажа сите свои јавни ангажмани, Чарлс инсистира да продолжи со своите „црвени кутии“, т.е. документите, а можеби дури и да организира, иако помалку, приватни тет-а-тет состаноци.
Камила инсистираше на отворање на ново одделение за рак „Меги“ во Лондон во средата, иако знаеше дека нејзиниот сопруг ќе се лекува.
Таа внимателно им кажа на граѓаните во Кралската бесплатна болница дека кралот „продолжува понатаму и дава се од себе“.
Подготвено од А.Ѓ.
About Author
