29.02.2024 Скопје
Стотици летови во Аргентина беа откажани, а десетици други одложени денеска, откако синдикатите за авиосообраќај стапија на сенароден штрајк барајќи повисоки плати.
Државната авиокомпанија Aerolineas Argentinas објави дека 331 лет се загрозени од штрајкот, кој го свикаа три синдикати кои ги здружуваат вработените во воздушниот транспорт.
Агенцијата наведува дека повеќето од 50-те аеродроми во земјата се отворени денеска, но авиокомпаниите откажале стотици летови, а само нискобуџетната компанија Флибонди и Американ ерлајнс оперирале на најголемиот аеродром во земјата, Езеиза, на периферијата на Буенос Аирес.
Aerolineas Argentinas очекува штрајкот да влијае само на речиси 24.000 патници на државната компанија, а загубата се проценува на околу два милиони долари.
Членовите на синдикатот ја обвинуваат владата за неуспехот на преговорите за платите, а тензиите започнаа минатата недела откако аргентинската влада предложи зголемување на платите за 12 отсто, што три синдикати го оценија како недоволно.
Штрајкот доаѓа откако инфлацијата во Аргентина се зголеми во последните месеци, главно како резултат на 50-процентната девалвација на локалната валута од страна на владата на претседателот Хавиер Мајли и укинувањето на субвенциите за јавниот транспорт и услугите како што е дистрибуцијата на електрична енергија.
Подготвено од А.Ѓ.
About Author
