28.02.2024 Скопје
Унгарскиот премиер Виктор Орбан го нарече нерешливо прашањето за победникот во конфликтот во Украина и повика на мирно решавање на конфликтот.
„Унгарците гледаат дека Русија нема да ја победи Украина, но Украина, која е поддржана од Западот, нема да ја победи ниту Русија. Во оваа ситуација, неопходно е да се спасат животи и потребни се мировни преговори што е можно поскоро, тоа е позицијата на Унгарија“, истакна Орбан по состанокот на Вишеградската група во Прага.
Унгарскиот премиер рече дека прашањето кој ќе победи во конфликтот е стапица, бидејќи смета дека прашањето е нерешливо. Дополнително, рече дека е лош став однапред да се прогласи едната страна за виновна.
„Прашањето на вината треба да се реши по војната. На сите им препорачувам стратешки мир во ова прашање“, рече тој.
Орбан го повтори ставот што претходно го објави унгарска Влада дека конфликтот во Украина може да се реши само со преговори, а не на бојното поле.
Тој негираше дека Унгарија наводно била во меѓународна изолација поради нејзината политика кон Украина.
Тој додаде дека Будимпешта му обезбедува хуманитарна помош на Киев, што ја исклучува испораката на оружје и армијата.
Подготвено од А.Ѓ.
About Author
