26.02.2024 Скопје
Избрани се четири големи центри за обука на хрватските војници како дел од новиот задолжителен воен рок што хрватската влада има намера да го воведе.
Војниците ќе ги обучуваат 650 воени инструктори.
Министерството за одбрана и Генералштабот на вооружените сили избраа модел на воена обука за младите Хрвати.
Не поминаа ни два месеци од денот кога премиерот Андреј Пленковиќ на прашањето за воведувањето на задолжителниот воен рок рече дека тоа не доаѓа предвид, но дека е можен „некаков курс“ се додека не се предложи Генералштабот да воведе тримесечен задолжителна „Основна воена обука“.
Тоа е официјалното име, иако речиси сите ќе го наречат задолжителен воен рок.
Воената обука би била задолжителна за сите млади мажи кога ќе наполнат 18 години, а жените би можеле да учествуваат доброволно.
Засега се работи само за предлогот на Министерството за одбрана и Генералштабот, кој допрва треба да биде усвоен од владата и хрватскиот Сабор. Во воените кругови сметаат дека три месеци се сосема доволни за воена обука, во кои акцентот би бил ставен на физичката подготовка на специјализантите и совладувањето на основните воени вештини.
На крајот, војникот треба да се обучи како стрелец, односно да ги помине основите на ракување со личното пешадиско оружје и да биде физички подготвен.
Според проценките, околу 17.000 млади мажи треба да бидат достапни годишно, а се очекува дека најмалку 15.000 од нив би можеле да завршат воена обука, додека преостанатиот дел би завршил во цивилна воена служба поради приговор на совеста или ќе биде прогласен за медицински неподобен за воена служба.
Тримесечната воена обука нема да влијае на редовното следење на наставата на универзитетите. Воениот рок во Хрватска беше суспендиран во 2008 година, а се очекува да се врати следната година.
Подготвено од А.Ѓ.
About Author
