15.02.2024 Скопје
Лекарите во Италија ќе можат, доколку сакаат, да работат во националната здравствена служба до 72-годишна возраст, откако беше усвоен амандманот предложен од партијата Браќа на Италија на премиерката Џорџија Мелони.
Усвоениот амандман ја зголеми максималната старосна граница за лекарите вработени во италијанскиот јавно здравствен систем за две години од претходните 70 години.
Мерката ќе биде во сила до крајот на 2025 година.
Со усвојување мерка за можно продолжување на работниот век на лекарите, Италија се надева дека ќе го намали недостигот од лекари со кој се бори здравствениот систем и дека ќе им овозможи на лекарите кои се пензионираа по септември минатата година да се вратат на работа доколку тоа е она што тие го сакаат.
Подготвено од А.Ѓ.
About Author
