22.02.2024 Скопје
Податоците на „Монстат“ покажуваат дека откако статистичарите забележаа пад на потрошувачките цени во последните три месеци од минатата година, во јануари цените повторно пораснаа.
Во соопштението на „Монстат“ се наведува дека цените на производите и услугите од лична потрошувачка, мерени преку индексот на потрошувачките цени, во јануари 2024 година во однос на декември 2023 година се во просек повисоки за 0,5 отсто.
Дополнително, податоците на „Монсат“ покажуваат и дека инфлацијата во јануари годинава во однос на претходната година изнесува 4,4 отсто.
„Најголемо влијание врз месечната стапка на инфлација имаше зголемувањето на цените во групите: млеко, сирење и јајца, струја, зеленчук, водоснабдување, краткорочни производи за рутинско одржување на домаќинствата, други апарати, предмети и производи за лична нега, поштенски услуги, масла и маснотии“, покажуваат податоците на „Монстат“.
Сепак, податоците на „Монстат“ велат дека во јануари во однос на декември поевтиниле месото и зеленчукот, од 0,3 отсто на 2,7 отсто.
Потрошувачките цени во периодот јануари-декември 2023 година, во однос на истиот период од претходната година, се во просек повисоки за 8,6 отсто.
„Гледајќи ги главните групи производи и услуги според намената на потрошувачката, во јануари 2024 година во однос на претходниот месец, раст е забележан во групите:
- Домување, вода, струја, гас и други горива (1,5 отсто);
- Останати стоки и услуги (1,3 проценти);
- Мебел, опрема за домаќинство и рутинско одржување на станови (1,2 проценти);
- Храна и безалкохолни пијалоци (1,1 проценти);
- Алкохолни пијалоци и тутун (1,0 проценти);
- Комуникации (0,9 проценти);
- Рекреација и култура ( 0,7 отсто),
додека „пад на цените е забележан во групите:
- Облека и обувки (-2,7 отсто);
- Транспорт (-0,7 отсто);
- Ресторани и хотели (-0,3 отсто).
Цените на другите производи и услуги забележаа не се менува значително“, наведува „Монстат“.
Подготвено од А.Ѓ.
About Author
