23.02.2024 Скопје
Заврши реконструкцијата на кошаркарското игралиште во комплексот „Соколана“ во Куманово.
Поставена е нова асфалтна подлога, нова тартан подлога, нова ограда, нови кошеви и опрема, во наредниот период следува партерно уредување на комплексот, информираше Димитриевски.
Општината за реконструкција на Соколанскиот парк и паркинг со спортско игралиште во комплекс Соколана одвои речиси 13 милиони денари. Гадежните работи се изведуваат паралелно со реконструкцијата на паркот, каде што се менува урбаната опрема, се поставува нова, ќе има ново зеленило, детско катче, предвиден е паркинг простор и партерно уредување околу објектот Соколана.
Жителите од Соколана бараат побрза реализаицја на детското катче, бидејќи сегашното е прилично оштетено и небезбедно за рекреација на најмалите.
Неодамна почна и реконструкцијата на внатрешноста на Соколана, трета фаза од проектот.
Едното од игралиштето во Соколана го реконстрираа Владата и Агенцијата за млади и спорт пред три години.
Самиот спортски објект датира од доцните 20-ти години на минатиот век и период на кралство Југославија. На ова место се играле најдобрите кошаркарски турнири во поранешна Југославија, а тренирале и врвни гимнастичари. Соколана има непроценливо значење за кумановци.
Подготвено од М.Д.
About Author
