13.02.2024 Скопје
Компанијата „Ер Србија“ започна голем конкурс за регрутирање на нови членови на кабинскиот екипаж за својата база во Белград, а тестирањето на кандидатите ќе се одржи во четири града – Чачак, Нови Сад, Крагуевац и Ниш.
„Како дел од интензивните подготовки за претстојната летна сезона, во која се очекува понатамошен раст на деловните активности, Ер Србија започна голем конкурс за регрутирање на нови членови на кабинскиот екипаж за својата база во Белград, со цел да достигне до што поголем квалитетни кандидати низ цела Србија, ќе се организираат специјални тестови во дури четири града“, соопштија од Ер Србија.
Како што е наведено, своите знаења и вештини кандидатите ќе можат да ги презентираат во Чачак на 23 февруари, Нови Сад на 27 февруари, Крагуевац на 29 февруари и Ниш на 1 март, а апликациите за тестирање може да се поднесат преку веб-страницата на Ер Србија.
На конкурсот можат да се пријават сите граѓани на Србија кои имаат најмалку 18 години во моментот на поднесување на апликацијата, имаат најмалку завршено средно образование и течно зборуваат и пишуваат англиски јазик.
Пријавите може да се поднесат најмногу 24 часа пред тестирањето во Чачак, Нови Сад, Крагуевац и Ниш, а кандидатите кои ќе влезат во потесниот избор по првиот избор ќе бидат поканети на тестот.
Можност за вработување ќе имаат најуспешните кандидати подготвени да одат на работа од матичната база на Ер Србија во Белград.
Ер Србија нагласува дека членовите на кабинскиот екипаж се еден вид амбасадори и домаќини на компанијата на секој лет, кои придонесуваат за позитивно искуство на патниците со нивниот ангажман.
„Убедени сме дека интересот ќе биде голем и дека меѓу апликантите ќе ги најдеме оние кои се силно мотивирани да летаат со нас до големи деловни и други височини“, изјави директорката за човечки ресурси на Ер Србија, Милица Нетковиќ.
Ер Србија ја разгледува можноста за спроведување слични тестови во наредниот период во одредени градови во земјите од регионот, имајќи предвид дека постои голем интерес за работа за српската национална авиокомпанија дури и надвор од границите на Србија, се наведува во соопштението.
Подготвено од А.Ѓ.
About Author
