26.02.2024 Скопје
Вчерашниот ден беше полн со изненадувања во кошаркарските квалификации.
Можеби најголемиот беше забележан во второто коло од квалификациите за ФИБА за Америка Купот. Имено, Куба за прв пат во историјата ја совлада селекцијата на САД. Кубанците победија со 81:67 во Хавана.
Секако, треба да се каже дека Американците настапија во прилично непознат состав, иако има играчи кои настапуваат во развојната лига, тоа е сензација. САД и Куба се во групата Д, заедно со Бахамите и Порторико.
Кога се во прашање квалификациите за Евробаскет 2025, вчера видовме две нови сензации. Германија како актуелен светски првак загуби во Бугарија. Бугарите победија со 67:62 на крилата на Коди-Милер Мекинтајр. Во оваа група е и Црна Гора која ја совлада Шведска. Сите селекции имаат скор 1-1 и нема сомнеж дека до крајот не очекуваат големи возбудувања.
Малку подоцна Шпанија беше поразена од Белгија (53:58). Ова беше веќе втор пораз на Шпанците во квалификациите. Пред неколку дена беа поразени и од Летонија, па ќе мора да се помачат за да го освојат Европското првенство. Во оваа група Летонија и Белгија имаат скор 2-0, а Словачка и Шпанија 0-2.
Подготвено од А.Ѓ.
About Author
