03.01.2024 Скопје
Здружението на глуви и наглуви лица од Бихаќ успешно го заврши 15-тиот курс за изучување на знаковен јазик и организираше доделување сертификати на успешно завршените.
Во рамките на оваа повеќемесечна едукација, наведениот курс успешно го поминаа 30 учесници, меѓу кои и припадници на полицијата, судството, јавните институции и здравствените и други институции од областа на Унско-санскиот кантон.
Овој проект беше финансиран од средствата на градот Бихаќ, а беше реализиран како дел од партнерството помеѓу споменатото здружение и општествената заедница. Беше посочено дека потребата и целта на сите глуви и наглуви лица е да имаат барем еден вработен обучен за комуникација со такви лица во секоја јавна установа или институција, а тоа е можно само со познавање на знаковен јазик.
Во споменатото здружение наведуваат дека не се откажуваат од идејата да обучат што повеќе луѓе за ваков тип на комуникација, поради што континуирано спроведуваат курсеви и едукации за сите кои се заинтересирани да го совладаат знаковниот јазик.
„Веќе петта година одржуваме курсеви за знаковен јазик, од прво до петто ниво и секој од нив трае најмалку два месеци. Целиме кон институции чии вработени најчесто доаѓаат во контакт со граѓаните. Би сакале да одржиме курсеви континуирано, но тоа повторно зависи од финансиите. Имавме одлична соработка со Кантоналната болница во Бихаќ, од која неколку медицински сестри го научија знаковниот јазик. Навистина ни треба закон за употреба на знаковен јазик на ниво на Федерација Босна и Херцеговина“, изјави секретарот на споменатото здружение Дамир Срабовиќ.
Во ова здружение велат дека употребата на знаковен јазик во нашето општество сè уште не пушти корени, иако ваков закон е донесен на државно ниво, но и во многу кантони.
Глувите лица сепак мораат, на пример, да бидат придружувани од друго лице за да одат на лекар, а ако не се придружувани, тие се оставени на милост и немилост.
„Се надеваме дека, инспирирани од овој позитивен пример, другите ќе направат повеќе за да им го олеснат животот на лицата со попреченост“, велат од здружението.
Подготвено од А.Ѓ.
About Author
