24.01.2024 Скопје
Експертите за сајбер безбедност посочуваат дека употребата на вештачка интелигенција (ВИ) може да ја загрози безбедноста на децата, а не на интернетот.
Според истражувањето на Обединетите нации, околу 80 отсто од младите тврдат дека користат вештачка интелигенција (ВИ) неколку пати на ден, а експертите за сајбер безбедност посочуваат дека користењето вештачка интелигенција може да ја загрози безбедноста на децата на Интернет.
Еден од начините да се загрози безбедноста се бројните апликации кои се појавија со развојот на вештачката интелигенција, меѓу кои се и апликациите со навидум безопасни функции, како што се филтрите за слики, бидејќи кога децата вметнуваат фотографии во такви апликации, не можат да бидат сигурни во која база на податоци нивните фотографии ќе завршат и дали некој ќе ги злоупотреби.
Освен тоа, некои апликации за вештачка интелигенција, особено чет-ботови, овозможуваат лесен пристап до содржината што е несоодветна за деца, вели Касперски, додавајќи дека на пример, има многу чет-ботови со вештачка интелигенција кои се специјално дизајнирани да користат еротска содржина и децата, дури и кога е потребна верификација за возраста, можат да ја скријат вистинската возраст.
Ризик е и играњето видео игри на паметни уреди, што според статистиката на интернет го практикуваат дури 91 отсто од децата на возраст од три до 15 години.
Гласовниот и текстуален разговор со други играчи е составен дел на некои игри и на овој начин сајбер-криминалците градат виртуелна доверба кај играчите, ги мамат со подароци и потоа лесно ги добиваат нивните лични податоци.
Како потенцијална закана го наведуваат развојот на FinTech индустријата за деца и посочуваат дека се очекува зголемување на заканите од употребата на паметни домашни уреди.
Со цел да се избегне или намали ризикот, на родителите им се препорачува редовно да се информираат за најновите закани, активно да ги следат активностите на своите деца на интернет, да комуницираат со нив, како и да користат дигитални алатки и литература кои можат да им помогнат во тоа.
Подготвено од А.Ѓ.
About Author
