03.01.2024 Скопје
Службеник на хрватското Министерство за надворешни работи е уапсен бидејќи со двајца Индијци криеле девет мигранти во семејна куќа во областа Медвешчак во Загреб.
Четворица мигранти од Бангладеш и пет од Пакистан се обиделе да и побегнат на полицијата, но брзо биле фатени, а сите потоа побарале азил.
Неколку дена по добиената пријава дека во куќата има илегални мигранти, полицијата го обезбедила целиот простор. На крајот, сите, освен еден индиски државјанин, кој е во бегство, беа приведени.
64-годишниот вработен во Министерството бил сослушан во Општинското државно обвинителство и пуштен да се брани од слобода.
„Хрватскиот државјанин ја изнајмил својата куќа на второосомничениот. Тој ја опремил куќата со душеци и им донел храна на луѓето што биле таму. Станува збор за договор меѓу тројца мажи со цел личен интерес. Тие го овозможиле влезот, движењето и престојот на странски државјани на територијата на Хрватска“, изјави Марија Гоати, портпарол на полициската управа во Загреб.
Подготвено од А.Ѓ.
About Author
