09.01.2024 Скопје
Турскиот производител на обновлива енергија Fortis Energy има намера да инсталира до 2 GW нов капацитет за производство на електрична енергија и зелен водород во неколку балкански земји во следните пет години.
Планот што неодамна го претстави компанијата предвидува изградба на копнени ветерни електрани, соларни фотоволтаични (PV) и биогасни постројки, како и електролизатор за производство на зелен водород. Објектите ќе бидат лоцирани во Албанија, Босна и Херцеговина, Северна Македонија, Србија и Турција.
Конкретно, Fortis Energy планира најголем дел од капацитетот да го инсталира во Србија, каде што ќе бидат инсталирани вкупно 1.036 мегавати постројки. Околу 644 мегавати ќе бидат дистрибуирани во Албанија, додека Босна и Херцеговина и Северна Македонија ќе имаат 252 мегавати и 40,6 мегавати, соодветно.
Истанбулскиот Fortis е активен во Холандија, Балканот и Турција и поседува речиси 200 мегавати капацитети за обновлива енергија во тие земји. Минатиот месец тој пушти во употреба соларен парк од 80 мегавати во Северна Македонија.
Подготвено од А.Ѓ.
About Author
